حذرنا الكبار - واحنا لسة عيال - من خطورة أن نصبح ( عيال صايعة )
لما تتأخر ع البيت يستقبلوك بجملة ( كنت فين يا صايع لغاية دلوقتى ؟ )
و لما تكون فاتح أول زرار ف القميص (متفتحش صدرك زى العيال الصايعة )
و كانت الصياعة مرتبطة بالتدخين و الوقوف ع النواصى و معاكسة البنات و الفرجة على اللقطات ال
و كان لقب ( صايع ) الواحد بيخاف منه ( هو الواحد ايه غير سمعه و شوية حاجات فوق بعض )
و كنا دايما بنبعد عن أى حد واخد لقب ( صايع ) عشان ( منتشبهش )
بس مع مرور الوقت ...........................
حدثت طفرة ، و كلمة ( صايع ) مبقتش شتيمة
بقت وسام يتحط على صدور أى واد جامد
مبقاش معناها ( الواد السيس اللى بيسرق فلوس من ورا ابوه و يشترى سجاير و طول اليوم يكلم بنات و قاعد ع القهاوى )
ده بقى اسمه ( مغفل )
و كلمة صايع مبقتش تتقال على الأشخاص بس
ممكن تلاقى :
- موبايل فيه امكانيات مكنتش تحلم بيها ( موبايل صايع )
- جملة وان تو و محطوطة ف المقص ( جون صايع )
عشان كده
اقدر بكل ثقة اشجع أى حد على اللقب الجديد
بشجعك تكون ( صايع )
بس استنى هنا
الصياعة ليها آداب لازم تلتزم بيها عشان تستحق اللقب
1 - الصايع عمره ميقول انا صايع ، عمرك شفت واحد ذكى ماشى يقول ( انا ذكى يا جماعة ) ؟
2 - الصايع يحترم ذكاء الآخرين ( عشان ذكى )
3 - الصايع لازم يكون عنده ثقافة عامة ف كل المجالات ( ماهو واد صايع بقى )
4 - الحظ يقودك للقمة ، و الصياعة هى أن تحافظ عليها
5 - الصياعة ان يكون بالك طويل و متبدأش بالغلط
6 - الصياعة انك متكررش نفس الغلط مرتين
و عشان تكون صايع ، لازم تعرف ان :
1 - مش مهم انك تغير الكون ، المهم انك تخلى الكون ميغيركش
2 - الحب اللى ييجى بسرعة ( لازم ) يروح بسرعة ( واخد بالك يا عزب ؟ )
3 - طبيعى انك تحس بالخوف ، بس اوعى تخلى ده يخوفك
4 - استمتع بالحاجات الصغيرة ، بكرة هتعرف انها كانت كبيرة ( واخد بالك يا يونس ؟ )
5 - لو اتعلمت تضحك على مشاكلك ، عمرك ماهتبطل ضحك ( واخد بالك يا شعلان ؟ ) انا يعنى
6 - الصبر ....... هو الحاجة الوحيدة اللى لازم تستعجل وانت بتتعلمها
7 - مش كل مرة تتعب فيها هتوصل للى انت عايزه ، بس مش هتوصل للى انت عايزه من غير متتعب
8 - بلاش فهلوة .... مفيش طريق مختصر للمكان اللى المفروض ان الواحد يروحه
9 - حياتك فيلم ، و اللى حواليك بيلعبوا أدوار ثانوية ...... اتصرف دايما زى الأبطال ( واخد بالك يا علاء ؟ )
10 - الصديق الكويس هو اللى عارف كل عيوبك ، بس برضه بيحبك ( واخد بالك يا ........ ) هو عارف نفسه
11 - ابتسامتك ف وش أى حد هتخليه صعب انه يكرهك
12 - عمرك مهتتعلم الصح من غير متغلط
13 - الخبرة ....... هى المكسب الوحيد من الفشل
- العقل زى البراشوت ...... مبيشتغلش من غير ميتفتح
بجد لو قدرت تفهم و تعمل الحاجات دى
تبقى واد صايع
لما تتأخر ع البيت يستقبلوك بجملة ( كنت فين يا صايع لغاية دلوقتى ؟ )
و لما تكون فاتح أول زرار ف القميص (متفتحش صدرك زى العيال الصايعة )
و كانت الصياعة مرتبطة بالتدخين و الوقوف ع النواصى و معاكسة البنات و الفرجة على اللقطات ال
و كان لقب ( صايع ) الواحد بيخاف منه ( هو الواحد ايه غير سمعه و شوية حاجات فوق بعض )
و كنا دايما بنبعد عن أى حد واخد لقب ( صايع ) عشان ( منتشبهش )
بس مع مرور الوقت ...........................
حدثت طفرة ، و كلمة ( صايع ) مبقتش شتيمة
بقت وسام يتحط على صدور أى واد جامد
مبقاش معناها ( الواد السيس اللى بيسرق فلوس من ورا ابوه و يشترى سجاير و طول اليوم يكلم بنات و قاعد ع القهاوى )
ده بقى اسمه ( مغفل )
و كلمة صايع مبقتش تتقال على الأشخاص بس
ممكن تلاقى :
- موبايل فيه امكانيات مكنتش تحلم بيها ( موبايل صايع )
- جملة وان تو و محطوطة ف المقص ( جون صايع )
عشان كده
اقدر بكل ثقة اشجع أى حد على اللقب الجديد
بشجعك تكون ( صايع )
بس استنى هنا
الصياعة ليها آداب لازم تلتزم بيها عشان تستحق اللقب
1 - الصايع عمره ميقول انا صايع ، عمرك شفت واحد ذكى ماشى يقول ( انا ذكى يا جماعة ) ؟
2 - الصايع يحترم ذكاء الآخرين ( عشان ذكى )
3 - الصايع لازم يكون عنده ثقافة عامة ف كل المجالات ( ماهو واد صايع بقى )
4 - الحظ يقودك للقمة ، و الصياعة هى أن تحافظ عليها
5 - الصياعة ان يكون بالك طويل و متبدأش بالغلط
6 - الصياعة انك متكررش نفس الغلط مرتين
و عشان تكون صايع ، لازم تعرف ان :
1 - مش مهم انك تغير الكون ، المهم انك تخلى الكون ميغيركش
2 - الحب اللى ييجى بسرعة ( لازم ) يروح بسرعة ( واخد بالك يا عزب ؟ )
3 - طبيعى انك تحس بالخوف ، بس اوعى تخلى ده يخوفك
4 - استمتع بالحاجات الصغيرة ، بكرة هتعرف انها كانت كبيرة ( واخد بالك يا يونس ؟ )
5 - لو اتعلمت تضحك على مشاكلك ، عمرك ماهتبطل ضحك ( واخد بالك يا شعلان ؟ ) انا يعنى
6 - الصبر ....... هو الحاجة الوحيدة اللى لازم تستعجل وانت بتتعلمها
7 - مش كل مرة تتعب فيها هتوصل للى انت عايزه ، بس مش هتوصل للى انت عايزه من غير متتعب
8 - بلاش فهلوة .... مفيش طريق مختصر للمكان اللى المفروض ان الواحد يروحه
9 - حياتك فيلم ، و اللى حواليك بيلعبوا أدوار ثانوية ...... اتصرف دايما زى الأبطال ( واخد بالك يا علاء ؟ )
10 - الصديق الكويس هو اللى عارف كل عيوبك ، بس برضه بيحبك ( واخد بالك يا ........ ) هو عارف نفسه
11 - ابتسامتك ف وش أى حد هتخليه صعب انه يكرهك
12 - عمرك مهتتعلم الصح من غير متغلط
13 - الخبرة ....... هى المكسب الوحيد من الفشل
- العقل زى البراشوت ...... مبيشتغلش من غير ميتفتح
بجد لو قدرت تفهم و تعمل الحاجات دى
تبقى واد صايع
عدل سابقا من قبل M. Sha3lan في السبت يونيو 06, 2009 7:09 pm عدل 1 مرات