shebin4eng

اهلا بك عزيزى الزائر..

يرجى الضغط على كلمة تسجيل اذا كنت تود الانضمام الى اسرة المنتدى

سنتشرف بتسجيلك


ادارة المنتدى



    هتعملي اية لو مخطوبة لواحد زي ده ؟؟

    شاطر

    Azab
    Love is life
    Love is life

    ذكر
    عدد المشاركات : 3502
    الفرقة : تانية مدني
    مكان الإقامة : أرض القمر
    العمر : 26
    الهوايات : كرة قدم - تاليف الاغاني - افلام رومانسية
    نقاط : 12314
    البلد :

    هتعملي اية لو مخطوبة لواحد زي ده ؟؟

    مُساهمة من طرف Azab في الأحد يوليو 26, 2009 7:58 am

    خطيب بارد جدا جدا




    هو و هى مشيين على الكورنيش .. الجو حار .. الشمس محرقة

    هي : عطشانة .

    هو : وأنا كمان.

    هي : يعنى ... عايزة اشرب!

    هو : أكيد مادام عطشانة يبقى عايزة تشربي .

    هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

    هو : ومين اللي هيحاسب ؟؟

    هي : أنت طبعاً .

    هو : منين ياحسرة .. ماانتى عارفة الكانز وغطاه .

    هي : ماقلتش عايزة كانز .. كفاية إزازة مية ساقعة .

    هو : طب لو هاتجيبى اعزمينى معاكى .

    هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

    هو : عندك الكورنيش كله .. اختاري الرصيف اللي يعجبك .

    هي : قصدي تعزمنى في مكان شاعري .
    هو : في الحر ده .. ماينفعش .

    هي : بلاش دى .. نأخد مركب عالكورنيش .

    هو : المراكب بتغرق اليومين دول .. خلينا ع البر أحسن .

    هي : بلاش المركب تعالى نأكل ترمس .. أظن ده رخيص .

    هو : إنتى تضمني منين إن الراجل غاسل إيده وغاسل الترمس
    هي : أعوذ بالله .. إنت مقفلها كده ليه ؟؟

    هو : بصراحة معييش فلوس .

    هي :يا سلام!! .. ماأنت كان معاك إمبارح .

    هو : إمبارح دخلت السينما مع بنت حلوة كده فالفلوس خلصت

    هي : بنت حلوه ؟؟!! وبتقولها في وشى .

    هو : أكذب عليكى يعنى .

    هي : لأ .. تحرق دمى أحسن .

    هو : أنا مش شامم ريحه شياط يعني .

    هي : يخرب بيت البرود .

    هو : برود إيه ؟؟ ماهو الجو مولع أهو .

    هي : إنت اللي بارد .

    هو : بارد إزاى ؟؟ دا أنا بشُر عرق .

    هي : بقولك إيه .. روحنى .

    هو : أروحك ؟! هو إنتى ماتعرفيش تروحي لوحدك .

    هي : آآآآه .. طب أنا ماشية .

    هو : ليه يا حبيبتي؟؟

    هي : حبك برص .

    هو : والله البرص بيفهم عشان حبني.

    هي : بجد كده كتير .

    هو : كتير إيه ؟؟

    هي : إرحمنى .. واضح إن الحر بيجى معاك بالعكس .. يا بارد

    هو : يعنى مصممة تمشي؟؟

    هي : أيوة وحالاً كمان .

    هو : طب استني لما نوصل آخر الشارع .

    هي : اشمعنى ؟؟

    هو : أصل أنا ساكن هناك .. و مايرضكيش أروح لوحدى .

    هي : لااااااااااااااااااااااا

    هو : ينفع كده ترمي نفسك في الميه مين هايوصلني بقى



    تعملي اية ياقمر لو كنتي مخطوبة لشخص زي دا







    للحياة دمعتان .. دمعة لقاء ودمعة فراق
    فان لم تجمعنا الايام .. فسوف تجمعنا الاحلام
    وان لم تجمعنا الاحلام .. فسوف تجمعنا الذكريات
    وروعتها بالامل مثل اللقاء .. فاذا رست سفينتك على شاطئ الذكريات
    فاجعلني احد ركابها ...



    MarmOoOora
    عضو مميز
    عضو مميز

    انثى
    عدد المشاركات : 400
    الفرقة : اولى انتاج
    العمر : 26
    الهوايات : الموسيقى
    نقاط : 8639
    البلد :

    رد: هتعملي اية لو مخطوبة لواحد زي ده ؟؟

    مُساهمة من طرف MarmOoOora في الأحد يوليو 26, 2009 8:12 am

    لااااااااااااااااااااا انا مبينفعش معايا كده ابدا

    اسهل حاجه هعملها هرميه هو فى الميه مش اضحى بنفسى انا
    ودى هتكون اسهل حاجه هعملها

    Azab
    Love is life
    Love is life

    ذكر
    عدد المشاركات : 3502
    الفرقة : تانية مدني
    مكان الإقامة : أرض القمر
    العمر : 26
    الهوايات : كرة قدم - تاليف الاغاني - افلام رومانسية
    نقاط : 12314
    البلد :

    رد: هتعملي اية لو مخطوبة لواحد زي ده ؟؟

    مُساهمة من طرف Azab في الأحد يوليو 26, 2009 8:26 am

    هههههههههه

    تسلمي يا مرمورا .. هوا دا الكلام







    للحياة دمعتان .. دمعة لقاء ودمعة فراق
    فان لم تجمعنا الايام .. فسوف تجمعنا الاحلام
    وان لم تجمعنا الاحلام .. فسوف تجمعنا الذكريات
    وروعتها بالامل مثل اللقاء .. فاذا رست سفينتك على شاطئ الذكريات
    فاجعلني احد ركابها ...



    maasa
    عضو شرف
    عضو شرف

    انثى
    عدد المشاركات : 1284
    الفرقة : first year_ Architect
    مكان الإقامة : henaak we s3at hena
    العمر : 27
    الهوايات : ay 7aga
    نقاط : 9869

    رد: هتعملي اية لو مخطوبة لواحد زي ده ؟؟

    مُساهمة من طرف maasa في الأحد يوليو 26, 2009 3:33 pm

    هوا انا غبيه لدرجه دى اوافق اننى اتخطب للقفل ده

    انا لو من البنت دى اضربه وامشي بلا وجع قلب

    Azab
    Love is life
    Love is life

    ذكر
    عدد المشاركات : 3502
    الفرقة : تانية مدني
    مكان الإقامة : أرض القمر
    العمر : 26
    الهوايات : كرة قدم - تاليف الاغاني - افلام رومانسية
    نقاط : 12314
    البلد :

    رد: هتعملي اية لو مخطوبة لواحد زي ده ؟؟

    مُساهمة من طرف Azab في الأحد يوليو 26, 2009 10:50 pm

    ههههههههه .. بس البنت دي تقريبا رمت نفسها ف المية من الصدمه بس

    ماهو بصراحه مافيش كدا في الدنيا ابدا

    -----------------------------------


    ثانكس ماسا







    للحياة دمعتان .. دمعة لقاء ودمعة فراق
    فان لم تجمعنا الايام .. فسوف تجمعنا الاحلام
    وان لم تجمعنا الاحلام .. فسوف تجمعنا الذكريات
    وروعتها بالامل مثل اللقاء .. فاذا رست سفينتك على شاطئ الذكريات
    فاجعلني احد ركابها ...



      الوقت/التاريخ الآن هو الجمعة ديسمبر 09, 2016 11:27 pm