shebin4eng

اهلا بك عزيزى الزائر..

يرجى الضغط على كلمة تسجيل اذا كنت تود الانضمام الى اسرة المنتدى

سنتشرف بتسجيلك


ادارة المنتدى



    علشان أنا غالية......علشان انا حرة...علشان انا محترمة.....عندك شك ؟

    شاطر

    The heaven pearl
    عضو شرف
    عضو شرف

    انثى
    عدد المشاركات : 3670
    الفرقة : الاولى
    مكان الإقامة : في بيتنا
    نقاط : 12067
    البلد :

    علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف The heaven pearl في السبت أغسطس 01, 2009 8:20 pm

    انا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية


    1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…




    2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً




    3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…




    4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما ي! تجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..




    5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..




    6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..




    7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟




    والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..

    ربنا يهدينا ويهدي بنات المسلمين

    منقووول

    Mandooo
    VIP
    VIP

    ذكر
    عدد المشاركات : 1670
    الفرقة : إعـــدادى و الحمد لله
    مكان الإقامة : بلد الكوسة الأولى فى العالم
    (يبقى انت أكيد أكيد فى مصر)

    العمر : 25
    الهوايات : كتابة الأشعار
    نقاط : 10110
    البلد :

    رد: علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف Mandooo في السبت أغسطس 01, 2009 9:20 pm

    جزااااااااااالكى الله خيرا شوشويت







    ( أحــــبـــك )
    هل تعلم ........
    اقولها وكلي حياء
    اريدك ان تشعر بها فهي لك
    هي لك من غير تردد او جفاء
    نعم احس بك في قلبي تغفو
    واحرسك برمشي حين يأتي المساء
    حين يأتي المساء اراك مع كل الضياء
    فأنت هواء اتنفسه إذا عز اللقاء


    The heaven pearl
    عضو شرف
    عضو شرف

    انثى
    عدد المشاركات : 3670
    الفرقة : الاولى
    مكان الإقامة : في بيتنا
    نقاط : 12067
    البلد :

    رد: علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف The heaven pearl في السبت أغسطس 01, 2009 9:48 pm


    محمد الوردانى
    مشرف قسم هندسة الانتاج
    مشرف قسم هندسة الانتاج

    ذكر
    عدد المشاركات : 538
    الفرقة : الثالثة انتاج
    مكان الإقامة : اى مكان
    العمر : 26
    الهوايات : البلايستيشن
    نقاط : 8953
    البلد :

    رد: علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف محمد الوردانى في السبت أغسطس 01, 2009 10:36 pm

    جزاك الله خير








    لا تنسو ذكر الله
    كل عام وانت بخير

    maasa
    عضو شرف
    عضو شرف

    انثى
    عدد المشاركات : 1284
    الفرقة : first year_ Architect
    مكان الإقامة : henaak we s3at hena
    العمر : 27
    الهوايات : ay 7aga
    نقاط : 9857

    رد: علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف maasa في السبت أغسطس 01, 2009 10:44 pm

    تسلم ايديكى





    شوشويت

    The heaven pearl
    عضو شرف
    عضو شرف

    انثى
    عدد المشاركات : 3670
    الفرقة : الاولى
    مكان الإقامة : في بيتنا
    نقاط : 12067
    البلد :

    رد: علشان أنا غالية......علشان انا حرة...علشان انا محترمة.....عندك شك ؟

    مُساهمة من طرف The heaven pearl في الإثنين أغسطس 03, 2009 12:21 am


      الوقت/التاريخ الآن هو الإثنين ديسمبر 05, 2016 4:24 pm